عاجل

الوحدة أونلاين: - زينب سميع عباس -

بدي احكي حكاية بطل بهالدنيا الصغيرة حكاية ابتدت من أول العمر الندي سما فتحت بوابها ونزلت روح الطفل عالأرض نزلت ملاك الرحمة تيرسم بسمة أمل ويزرع ورد ويكون شام ع خد الوطن فاقت الشمس بجيتو  وغزلت خيوط الذهب غزلت ونسجت وصية : لا تنسى الوطن فاق الصبي بأول عمرو وهمس:بدي اكتب اسم بلادي ع الشمس ع البحر ع المركب الأخضر صلى بيو  وكبر ب ادنو وسمى سميع سميع يلي سمع وصية وطن سميع يلي لبس وشاح الأخلاق والأدب ويلي عطى من قلبو نهر ت يعانق ورد الحب والطيب سميع يلي ترنمت ع لسانو أحلى الكلمات بدا حياتو البطل بخطوة انجبلت بالشقا والتعب عاش ببيتو الصغير مع أمو وبيو بضيعة صوب القمر اسمها المنيزلة ومن هون ابتدى المشوار

درس ونجح ونال الشهادة بأكملا و دنيا قست وفرقتو عن أهلو وخلانو التحق بالجيش أعطى ولاؤو للجيش وحافظ قائد الوطن حافظ على عهد الوفا يلي أقسمو شارك بحرب لبنان وتشرين وما انهزم ومن مرتبة لمرتبة ترفع وعلي وبكل مرتبة نجمة ع كتفو تزينت أبو الفقراء يلي ساعد ساعد اليتيم والفقير وعابر السبيل

قضى العمر وتوجه بخدمة هالبلد بصدق ووفا مر العمر واكتملت خطوط الدهر وبكل خط ألف رواية ورواية عم تنحكى عنو مر العمر وأعمالو الطيبة عم تزخرف أحلى القصص ........................... تهاجم الوطن بلد انهدم ودموع عم تبكي ألم نحنا رجالك يا وطن نحنا رجالك يا وطن قلتا يا بيي والبست توب الكفن توب الشهادة معطرة بأغلى ثمن و ع شباط.. اااااخ يا شباط ما بكيت متلي بغيبتو؟ بكت السما والأرض وحبابو بكو أسر وحصار وبرد...ما عندو دفا وبعدها انفك الأسر ضل بيي بمعركة متل البطل بيطل تصاوب ونزف وبشهر رمضان بعز الصيف صام ولا فطر وبآذار ربنا يلي اختار اختار الشهيد الما انحنى اختار السميع المخلص العبد الأمين ............................. بس يا حيف برصاصة غدر ينصاب؟ بكيت عليك الدار وشجرة الرمان وحبات الكرز وآذار.... آذار يا شهر الفرح آذار يا شهر الحزن شو بندهك آذار؟! نام يا بيي وأنت مرتاح عيش بجنتك وصاحب ملائكة السما يا حبيب الله يا فرحة حجار الدار يلي زركش أسماؤو وحلاها بحلى سميع لبيت صرخة أم وتردد صدا كريم أنت يا أبو علي علي بروحك واعتلي يا أبو الفقراء وشيخ المجاهدين يا حبيب الله يا حبيب الله يا حبيب الله الله معك..

 

 

 

FaceBook  Twitter  

أضف تعليق


كود امني
تحديث

افتتاحية الصحيفة

شباك بحري

روافد

لفت نظر

فلاش